سی او یونٹ حویلی لکھا سفید ہاتھی بن چکا ہے واٹر فلٹریشن پلانٹ نکارہ ،کروڑوں کی مشینری خراب،گھوسٹ ملازمین کی بھرتی

حویلی لکھا سی او یونٹ حویلی لکھا سفید ہاتھی بن چکا ہے واٹر فلٹریشن پلانٹ نکارہ ،کروڑوں کی مشینری خراب،گھوسٹ ملازمین کی بھرتی چیف آفیسر ودیگرعملہ دفتر سے غائب ۔ عوام کا کوئی پرسان حال نہیں ۔تفصیلات کیمطابق۔DCOاوکاڑہ اور ACدیپالپور کے زیرانتظام چلنے والا سی او یونٹ حویلی لکھا جوکہ شہریوں کو پینے کا صاف پانی مہیا کرنا صفائی کا انتظام،ناجائز تجاوزات کوختم کروانے سمیت بہت سے بنیادی مسائل کے حل کیلئے ذمہ دارہے جبکہ حویلی لکھا میں الٹی گنگا بہ رہی ہے شہرمیں لگے واٹر فلٹریشن پلانٹ مکمل طورپر ناکارہ ہو چکے ہیں ۔صفائی ودیگرامور کیلئے خریدے گئے کروڑوں روپے کے ٹریکٹر ،ٹرالیاں،ودیگرمشینری پڑے پڑے زنگ آلود ہو چکے ہیں جبکہ انکی مرمت کی آڑ میں لاکھوں روپے کے فنڈز ہڑپ کئے جارہے ہیں سی او یونٹ میں شکایات کے ازالہ کیلئے آنے والے سائلین کی لائینیں لگی ہوئی ہیں جبکہ چیف آفیسر میاں انور جاوید ایک وقت میں تین پرکشش سیٹوں پرتعیناتی کے مزے اڑا رہے ہیں اورحویلی لکھا دفترمیں آتے ہی نہیں۔رہی سہی کسر سیاسی اثر ورسوخ اور میرٹ سے ہٹ کربھرتی ہونے والے گھوسٹ ملازمین نے پوری کردی ہے حد تو یہ ہے کہ سینٹری ورکر وں کی جگہ پربھی درجنوں مسلمان ملازمین کو بھرتی کرکے سیاسی آقاؤں کو خوش کیا جارہا ہے جس سے شہر میں صفائی کا انتظام مکمل طورپر تباہ ہوچکا ہے شہریوں کی بار بار اپیلوں کے باوجود ڈی سی او اوکاڑہ اے سی دیپالپور ٹس سے مس نہیں ہو رہے مرکزی تاجراتحاد کے چیف آرگنائزر عمران جاوید چوہان نے فوری وزیراعلی پنجاب ،چیف سیکرٹری پنجاب،اورکمشنر ساہیوال سے نوٹس لینے کا مطالبہ کیا ہے گھوسٹ ملازمین کو فارغ کرکے میرٹ پرتعیناتی کی جائے چیف آفیسر سمیت تمام عملہ کی حاضری کو یقینی بنایا جائے فنڈز کا آڈٹ کیا جائے تاکہ شہریوں کی شکایات کا ازالہ اور انکو بنیادی سہولیات زندگی میسر ہوں ۔
مورخہ 29 12 2014 
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔